દેવાભાઈ પટેલ નવા વર્ષની સૌને સુભકામના પાઠવે છે
Tuesday 30 December 2014
Wednesday 24 December 2014
batave zandi lal
બતાવે ઝંડી લાલ
બળ બળતા બપોરે
એક સડક કિનારે .
ઝંડી ખોસી લાલ
હાથે હથોડી ઝાલ
તોડે પત્થર કાળા
એક મજુર બાળા
વિખરેલા છે બાલ
ઓઢણી પણ લાલ
વાજે હથોડા તાલ
બાળા તારા હાલ
વાહન સરકતા જાય
બાળા પત્થર ખાય
ઉપર પડતો તાપ
સૌ કોઈ કરે સંતાપ
'દેવા ' વિચારી વાત
કેવા બિચારી હાલ
બતાવે ઝંડી લાલ
બાળ મજુરી ટાલ
લાલ ઝંડી નો સાદ
જગત ને સંભળાવ
Friday 19 December 2014
kanaiyo ?
કનૈયો ?
બંસરીનો સુર મારે સુણવો હતો
શંખનો નાદ સુણાવે કનૈયો
જિંદગીના પાવા વગાડવા હતા
ધરણીની ધારાએ સૂર રેલાવવાતા
નરસી ની કરતાલ ખખડાવે કનૈયો
ભ્રમરો ના ગુંજન મારે ગાવા હતા
મીરાં ની વાણી ગવડાવે કનૈયો
હરણી કસ્તૂરી મારે પામવી હતી
મૃગજળ ની માયામાં દોડાવે કનૈયો
ફૂલોની ઝાકળ મારે ન્હાવી હતી
સાંબેલાની ધારો ધબડાવે કનૈયો
ઘેલી ગોપીની જેમ આલી નાચવું તું
મંદિરની ગંદી ગલીઓ ભટકાવે કનૈયો
આનંદની છોળો ભરી મારે રાચવું તું
ગમગીન જિંદગી આ ઘમરોળ કનૈયો
'દેવ' જિંદગીને જેમ તેમ સરકાવે રે
દુઃખ પડે કનૈયા ને દોશ કેમ દેતો ફરે ?
-દેવ ....
Thursday 18 December 2014
Devabhai Patel Dhanera: namnu su chhe kam
Devabhai Patel Dhanera: namnu su chhe kam: નામનું શું છે કામ ? દોડી દુનિયા નામની પાછળ નામ મળે નહિ આમ ભ...
Thursday 11 December 2014
gamdu
ગામડું
આકાશે ઉડતી ડમરીઓ હોય
ગાડે રણકતી ઘૂઘરીઓ હોય
ફૂલે ભમતી ભમરીઓ હોય
વાટે પડતી પગલીઓ હોય
એવું અમારું આ ગામડું જ હોય..
ઘટા ઝાડવા છાંયડીઓ હોય
બેડા ઉપાડેલ બાયડીઓ હોય
ગોચરમાં ચરતી ગાયડીઓ હોય
પીળાં ફૂલોનો રાયડીઓ હોય
એવું અમારું આ ગામડું જ હોય..
એતો અમારું ગામડું જ હોય
જાણે મજાનું નાવડું જ હોય
ફરતે સીમનો દરિયો જ હોય
પાક નો આખો ભરીયો જ હોય
એવું અમારું આ ગામડું જ હોય..
માયાળુ માછલા ભમતાજ હોય
ખાવાને બગલા ફરતા જ હોય
બાલુડા બાપડા રડતા જ હોય
બગલા બચકા ભરતા જ હોય
એવું અમારું આ ગામડું જ હોય। .
ગામડું અમારું કેવું આ ગામડું રે ?
જાણે જળ માં જબોલાતું નાવડું રે
તડકાના તાપે બળેલું આ ચામડું રે
પરસેવો વહાવતું આ ઝરણું રે
એવું અમારું આ ગામડું રે ...
મોત વગર નું આ મરણું રે
શિકાર કરેલું આ હરણું રે
બગલે ખાધેલું આ માછલું રે
ગમ્યું અમારું આ ગામડું ને ?
એવું અમારું આ ગામડું રે..
ઘમ્મર વલોણું ઘૂંઘવાટા ય હોય
અંતર વલોણે ફૂંફાડાય હોય
ચમક ચાંદલો ને સિતારા ય હોય
જન બાપડા ને બીચારાય હોય
એવું અમારું આ ગામડું જ હોય
પ્રકૃતિએ પાંગરતું ગામડું જ હોય
સંસ્કૃતિ સાચવતું ગામડું જ હોય
નગર જનોનું રમકડું ય હોય
લુંટી ખાવાનું હથકડુંય હોય
એવું અમારુંઆ ગામડું જ હોય
એવું અમારું આ ગામડું જ હોય
નેતા નચાવે તેમ નાચતુંય હોય
પારકી સોચે સોચતુંય હોય
સ્વપ્નામાં એતો રાચતુંય હોય
એવું અમારું આ ગામડું જ હોય..
વાયરાથી વાતો કરતુ જ હોય
વચનોના ભારા બાંધતું જ હોય
આકાશી તારા ચાવતુંય હોય
સૌની આંખોને ભાવતુંય હોય
એવું અમારું આ ગામડું જ હોય। .
દેવ .....
Wednesday 3 December 2014
khankheri zrber ''bordi na bor''
bordi nabor
ખંખરી ઝરબેર [બોરડી ના બોર]
ઉગી સુકા વગડમાં વાંકા કંટી બોર
રાતા પીળા ખટમ ડા આવ્યા એને બોર
ઓઢી રાતી ચુનરિયા ,ઉભી જાણે નાર
સુના સુના વગડમાં નારી લે હીલોળ
અનિલ લહેરે લહેરતી ટપ ટપ ટપકે બોર
શિર પર ઓઢી ચુંદડી પદ ભરિયું સિંદુર
સૂના વગડે સ્વાગતે ઊભી રમણી બોર
મીઠે ટહુકે બોલતી ખાવા આવો બોર
ઘાસ ગલીચો બિછાવી અર્પતી આવકાર
સૂના વગડે એકલી કરતી જય જય કાર
વળતા રસ્તે જોયું તો મન મારું મુંજાય;
બોર બધા વિણી લઈ લુંટી કોણે બેર ?
કોની નજરે એ પડી અરે ખંખેરી ઝરબેર
વસ્ત્ર વિહોણી એ ઉભી ના પાંદા ના બોર
ઝૂડી લાકડી વડે 'દેવ' ભાંગી નાખી ડાળ
સૂના વન વગડે અરે રે લુંટી નાખી નાર ?
-દેવ ........
Subscribe to:
Posts (Atom)